Día 1: O rural galego como epicentro do cambio dixital

O primeiro día dos Hacker Days arrancou coa emoción de quen saben que algo importante está por comezar. Os participantes chegaron a Anceu, un pequeno pobo galego de só 97 habitantes, convertido estes días no centro dunha aventura colectiva que une tecnoloxía e territorio. Alí os recibiu o equipo humano de Rural Hackers, que impulsou este evento co obxectivo de conectar entidades tecnolóxicas con comunidades rurais para deseñar solucións dixitais. Nacho, África, Agustín e Noelia deron a benvida a todos os participantes, asegurándose de que cada detalle estivese listo para unha semana de convivencia e creación. Foi unha xornada de aterrizaxe, de primeiras charlas, de mirar arredor e sentir que este entorno rural ten moito que dicir e que aportar. Durante os próximos sete días, este recuncho de Galicia será o lugar onde persoas diversas imaxinarán, deseñarán e construírán solucións dixitais pensadas para os veciños que máis as necesitan. E isto só é o comezo.